Impound sa Kalibo MPS ru top down na nakabangga it nakasubeang nga tricycle sa Brgy. Mabilo, Kalibo, Aklan.
Sa report, nakilaea ru driver it tricycle nga si Garrick Pamatian, 54 anyos ag residente it Brgy. Ochando, New Washington, Aklan.
Karga ru pasahero nga ana mang asawa nga si Cresbelle Pamati-an, 53 anyos.
Samtang, gina mamaneho man ni Erwin Dela Cruz, 42 anyos ag angkas si Roberto Ituriaga, 50 ayos, tanan mga residente it Brgy. Estancia, Kalibo, Aklan.
Parehong nag-angkon it lastro sa kaeawasan ru daywang mga driver ag mga pasahero eagi man nga gin respondehan it mga otoridad ag dinaea sa hospital.
Sa makaron, sa kustodiya eon it New Washington MPS ru top down para sa nagakaigo nga disposition.//MARIVIC Y. ILIN
