Naniniwala si Pangulong Ferdinand Marcos Jr. na kailangan ng magkaroon ng bagong pananaw sa pagtugon sa isyu ng West Philippine Sea lalo na’t mabagal ang pag-usad ng mga reklamo na inihahain ng bansa laban sa China.
Inamin ng Pangulo na patuloy na hindi pinapansin ng China ang mga tradisyunal na pamamaraan ng Pilipinas sa usaping diplomasya.
Ilang taon na aniya naghahain ang gobyerno ng note verbal at nagpapadala ng demarche pero halos wala naman itong nagagawa.
Kaya kailangan aniya magkaroon ng bagong pananaw sa pagtugon sa isyu ng WPS na hindi pa nagagawa ng Pilipinas.
Sinabi pa ni Marcos na panahon na para kausapin ang ibang mga bansa para maramdaman nila na mayroon silang partisipasyon sa pagtugon sa isyu.
