Saeakyan nahueog sa banglid matapos malisdan ru driver sa pagmaneho dahil sa mga maka park nga mga behikulo sa kilid it karsadahon sa Brgy. Tabayon, Banga ,Aklan
Nakilaea ru driver nga si Patrick Rago, 31 anyos ag residente it Brgy. Linabuan Sur, Banga.
May kapin sa 3 feet ru kataason it banglid nga nahueogan it saeakyan rason nga haeos nalisdan mahaw-as it mga rumespondeng mga otoridad.
Gin repondehan it Bureau of Fire protection (BFP)-Banga ag Banga MPS ru insidente ag maswerte nga sa mayad man nga sitwasyon ru driver.//MARIVIC Y. ILIN
