Ipinag-utos ng Office of the Ombudsman ang pagsasampa ng kasong kriminal laban kay dating Sugar Regulatory Administration (SRA) Chief Hermenegildo Serafica.
Ito’y dahil sa pagkaantala ng procurement ng mga kagamitan sa pagsasaka.
Ayon sa isang joint resolution, sinabi ng Ombudsman na nilabag ni Serafica ang Republic Act 9184 o ang “Government Procurement Reform Act.”
Hinatulang guilty din si Serafica ng gross neglect of duty at grave misconduct dahil sa hindi niya napapanahong paggawad ng kontrata, pag-isyu ng notice to proceed, at pagsunod sa mga panahon ng pagbili ng mga kagamitan.
