Nagpaalala ang Department of the Interior and Local Government (DILG) Sorsogon sa lahat ng mga barangay sa lalawigan na ilagay sa full disclosure board ang lahat ng transaksyon ng barangay para sa transparency lalo-lalong na ngayong malapit na ang eleksyon.
Sunod-sunod kasi na reklamo ang ipinapadala ng ilang residente sa Brigada News FM dahil sa umano’y mga anomalya sa kanilang barangay.
Ayon DILG Sorsogon Cluster Head Leandro Gigantoca, may pananagutan ang mga Barangay Officials kapag hindi ang mga ito sinusunod sa full disclosure policy ng DILG.
Pinaalalahanan rin ni Gigantoca ang mga residente na dumeretso sa kanilang opisina lalo na kapag walang full disclosure board ang kanilang barangay kung saan binigyang diin nito na laging bukas ang kanilang tanggapan para sa anumang reklamo.
