GIMULTAHAN sa mga personahi sa City Environment and Natural Resources Office kun CENRO ang usa ka batan-on human kini nasakpan nanigarilyo sa plaza sa GenSan gamit ang vape buntag sa Setyembre 20.
Basi sa rekord sa Pendatun police station ang gimultahan og P2,500 mao si Karl Miral, 19-anyos, estudyante taga Habitat, Barangay Mabuhay ning syudad. Gipatala kini sa usa ka trabahante sa CENRO sa presento sa kapulisan pasado alas 2:51 na sa hapon sa susamang adlaw. Giisyuhan og citation ticket ang batan-on asa nakabutang ang iyahang multa nga kinahanglang mabayran sa city treasurer’s office sa City Hall sa syudad.
kahibaloan ang gihimo sa nasangpit supak sa Section 2 sa City ordinance number 56 series of 2017 balaod nga nagabawal sa pagpanigarilyo sa mga pampublikong lugar. I Enamie Mogpon
