35 nga mga buntis na usab ang nakabenipisyo sa infant kit distribution sa brigada atol sa ilang orientation sa djprh.
Gawas sa infant kit nga nadawat sa matag usa nahimong bulahan ang duha tungod sa pagdawat niini sa libreng ultra sound ug ganti sa raffle nga usa ka libo ka pesos.
Tungod sa naangkon nga premyo hilabihan ang pagpasalamat ni Maida nga siya ang naswertehan gikan sa pagkadaghan nila nga nagpahigayon og orientation
Si Jay-ar Prado nga residente sa Calumpang nga suportive sa iyang asawa ang naghinam-hinam sa paggawas sa ilang anak maong gituman nila ang schedule sa orientation.
Segon pa sa nahisgotan nga sama sa dili na kini makasabot sa iyang kaugalingon sa pagka-excited nga mamahimong amahan.
Sama sa uban wala usab niini gilauman nga sila ang apil sa makabenipisyo sa mga ipanghatag sa Brigada nga alang sa ilang umaabot nga anak.
Ang matag semana nga infant kit distribution ang nabatasan na sa Brigada nga ginapahigayon isip kabahin sa programa ug adbokasiya sa Brigada Group of Companies nga End Stunting Now sa paghatag og importansiya sa mga buntis ug sa ilang umaabot nga mga anak . I Danny Casi
