Patay ang 54-anyos nga mister matapos aksidente nga bumunggo sa pick-up ang iya ginasakyan nga motorsiklo sa Barangay Rizal, Pontevedra, Capiz.
Ginkilala ang napatay kay Romeo Bronda Jr., residente sang Barangay Poblacion banwa sang President Roxas samtang ang driver sang pick-up nga Toyota Hilux amo si Romel Blancaflor.
Sandig sa imbestigasyon sang Pontevedra Municipal Police Station, nagikan si Bronda sa banwa sang President Roxas sang aksidente sini nga nabungguan ang likod nga porsyon sang pick-up nga ginamaneho ni Blancaflor nga ginapahayag naga-U-turn sa nasambit nga lugar.
Bangud sa impact sang pagkabunggo, nag-angkon sang patal nga pilas sa lawas si Bronda.
Ginpadangat pa ini sa Bailan District Hospital, apang gindeklarar sang doktor nga dead on arrival.
Sa karon, nagapabilin sa kustodiya sang Pontevedra PNP si Blancaflor para sa nagakaigo nga disposisyon. | Judy Ann Juare
