Kulong sa Balete MPS ru 2 wanted person sa kasong child abuse ag rape sa magka separar nga operasyon it Balete MPS sa Brgy. Feliciano, Balete, Aklan ala 5:00 kahapon it hapon.
Sa imbistigasyon, sangka 21 anyos nga eaeaki ru wanted person sa kasong pag-eapas sa Republic Act 7610 o Child Abuse nga may Criminal Case No. 16831.
Naga balor it P80k ru pyansa nga gin taeana it korte para sa temporaryong kahilwayan it wanted person.
Samtang, kulong man sa nasambit nga MPS ru wanted person nga may kasong rape ru sangka 27 anyos nga may Criminal Case No. CC16832 ag 16833.
Gin serbe ru warrant of arrest it Balete MPS nga permado ni Hon. Bienvinido Barrios, Presiding Judge Branch3 it Regional Trial Court 6 Kalibo, Aklan ag may petsang June 26, 2023.
Uwa it pyansa ru gin taeana it korte para sa wanted person sa kasong rape.//MARIVIC Y. ILIN
