Gin pasakaan eon it kasong murder ru daywang persons of interest sa brutal nga pagpatay kay Rochell Ann Rodriguez ru babayeng nakit-ang naga kaagnas eon sa sapa sa Sitio Mangga, Brgy. Torralba, Banga, Aklan.
Gin komperma ni PCPT Benny Jones M. Mendoza, Officer In-Charge it Banga MPS, nga gin pasaka eon ru kaso sa prosecutor’s office kadungan it eobong ku biktima kahapon, June 22, 2023.
Base sa autopsy result, indi pa matukoy kun gin rape ru biktima it mga suspek dahil naka angkon ra it multiple stab wounds ag nabagok ru ueo matapos hampason sigun it matig-ang baga.
Nagapati ru mga pulis nga posibleng sa ibabaw it sapa natabo ru krimen.
Sa makaron, mabasjog ru circumstantial evidence it mga pulis kontra sa sangka person of interest matapos magpangayo it pagpasaylo at gin kupupan ru nanay it biktima.
Gina tan-aw it Banga MPS ru motibo sa krimen hay pagseselos dahil sambilog sa mga persons of interest ay gina turo nga karelasyon it biktima.//MARIVIC Y. ILIN
