Aksidenting nabangga it tricycle ru sangka eaeaki samtang naga tabok sa national highway it Brgy. Tigayon, Kalibo, Aklan.
Sa imbistigasyon, nakilaea ru biktima nga si Jesus Tañon y Manocan, 54 anyos samtang, nakilaea ru driver it tricycle nga si Ramon Abisan Jr. y Orsos, 51 anyos, tanan mga residente it nasambit nga lugar.
Makit-an sa CCTV nga nagdaeagan ru biktima patabok sa karsadahon ag eksakto man nga naga paeangop ru tricycle rason nga nabanggaan ag naka angkon it lastro sa parte it kaeawasan.
Makit-an nga gin ponduhan it tricycle samtang ru biktima hay sa idaeom it tricycle.
Eagi man nga gin daea sa hospital it mga residente ru bitkima ag padayon pa nga gina bueong.
Gin inquest ru tricycle driver ag gin pasakaan it kasong Reckless Imprudence Resulting to Physical Injury matapos nga uwa magkaeasugot ru kada panig sa hospital bill nga naga-abot sa mas o minus P500,000.//MARIVIC Y. ILIN
