Nagharap-harap ang mga raliyesta na kontra sa pagmimina at mga gwardya ng Ipilan nickel Corporation sa Barangay Maasin, Brookes Point kaninang umaga.
Bandang alas-syete nang dumating sa hauling road ng INC ang hindi bababa sa dalawampu na security ng kompanya.
Kasunod nito ay nakadaan na papalabas ang mga truck ng minahan na dati ay hindi pinapadaan ng mga raliyesta simula nitong nakaraang buwan.
Kaugnay nito, may ilang raliyesta na nagtangkang pigilan ang paglabas ng truck subalit hindi ito pinaporma ng mga gwardya na mas marami ang bilang sa kanila.
Nakabantay naman ang pulisya sa posibleng tensyon na maganap sa pagitan ng dalawang panig.
Samantala, wala pang pahayag dito ang mga namumuno ng mga nagprotesta at ang Lokal na Pamahalaan.
