CAMARINES NORTE- Nananatiling mataas ang aktibong kaso ng COVID- 19 sa lalawigan ng Camarines Norte.
Ito ay makaraang makapagtala ng 42 panibagong kaso noong nakaraang linggo na nagmula sa walong bayan.
Batay sa datos ng Provincial Health Office hanggang nitong Martes, Agosto 30 na ibinahagi sa Brigada News FM Daet ni Provincial Health Officer Dr. Arnel Francisco umaabot ngayon sa 121 ang aktibong kaso ng sakit.
Mula noong 2020 umaabot na sa 4, 304 ang kabuuang kaso ng COVID- 19 sa lalawigan.
Nasa 257 naman ang binawian ng buhay o 5. 97 percent habang nasa 3, 926 ang gumaling o 91. 22 percent.
Kaugnay nito ay patuloy pa rin ang paalala ng PHO sa publiko na na palaging magsuot ng face mask tuwing lalabas ng bahay at iwasan ang mga matataong lugar.
Hinihimok din ang bawat isa na makiisa sa Pinaslakas campaign ng gobyerno na naglalayong pataasin ang bilang ng COVID- 19 vaccination coverage.
