KINATIBUK-ANG 95 ka gituohang sakop sa New People’s Army (NPA) ang misurender bitbit ang 100 nagkadaiyang kalibre sa armas. Kini Enero, 2021 hangtud sa kasamtangan, ang mga mitahan ang sakop sa Guerilla Front 73 (musa) –Far South Mindanao Region ilawom sa Daguma sub-regional command.
Matud ni Col. Eduardo Gubat, commander sa Army’s 603rd Infantry Brigade, pulos ang aktibo nga naglihok ang maong mga personalidad bag-o misurender sa gobyerno. Human mitahan, gilayon nga gi-enrol ang mga nasangpit sa Enhanced Comprehensive Local Integration Program (E-CLIP).
Bugti sa ilang armas ang mga nasangpit ang nakadawat na og pinansyal nga tabang, bugas ug uban pang non-food provisions aron makatabang kanila sa pagbalik sa komunidad. Mitahan ug giabandona sa mga nasangpit ang armed struggle tungod sa epekto nga whole-of-nation approach sa National Task Force to End Local Communist Armed Conflict (NTF-ELCAC) Sakop sa 603IB ang kadagatang bahin sa Datu Odin Sinsuat, South Upi, ug Datu Blah sa Maguindanao ug Lebak, Kalamansig ug Palimbang sa Sultan Kudarat. I Richel Gubalani
