WALAY transaksyon ang mga opisina sa Investment Building tibuok adlaw sa Enero 21 gumikan sa gihimo nga disinfection isip kabahin sa pagsunod sa health protocol gumikan sa padayon nga pandemya.
Sa pahayag ni Licensing Officer 4 Geraldine Zamora sumala niini nga wala sila sa ilang opisina gumikan sa disinfection, mobalik sila sa adlaw na nga Lunes, Enero 24 sa kasamtangan nga tuig.
Kabahin sa gilugwayan nga renewal period gikan sa Enero 20 hangtud Pebrero 28, 2022 nga gihimong online aduna gihapon naga-adto sa permit division aron mokuha og kopya sa business permit nga na-imprinta sa himan sa LGU Gensan aron may opisyal nga silyo nga makita sa permit.
Gidugang ni Zamora nga nakabutang man gud sa permit nga balido lang kon may permit number unya may official seal, kon ang naglukat mao ang mag-imprinta paagi sa online walay silyo nga makita.
Samtang sa mga wala pa nakahibalo kung unsaon sa pag proseso online sa business permit mamahimo nga moadto sa opisina sa treasurers office kay wala nay personahe nga gibutang sa Oval gymnasium aron motubag sa mga pangutana sa maglukat og business permit. I Ver Diazon
