Tungod sa padayong nasinatiang kakulangon sa supply sa mga panginahanglanon sa mga biktima sa bagyong Odette, mitunol og tabang pinansyal ang Police Regional Office XI sa 93 ka mga pamilya sa Siargao Island.
Anaa sa P186,000 nga kantidad ang gitunol sa PDO-XI alang sa Brgy. Jubang, Dapa, Siargao Island, Surigao del Norte.
Gitagana ang maong kantidad sa tanang pamilyang naapektuhan sa maong bagyo aron matugunan ang ilang panginahanglanon ilabi na nga sa kasamtangan lisod pa gihapon ang ilang kahimtang.
Kahinumdoman nga una nang mihatag og ayuda ang PRO-XI sama sa food ug non-food item sa Siargao Island ug Surigao del Norte.
