92% it mga pulis sa PRO 6, nabakunahan eon kontra sa COVID-19

KALIBO, AKLAN—Nabakunahan eon do 92% sa mga pulis sa Police Regional Office 6 (PRO6) as of September 2, 2021.

Sa datos it PRO 6, halin sa 13,549 personnel, 7,003 eon kara do fully vaccinated samtang do nabilin nga 5,505 hay nakabaton man it andang 1^st dose it vaccine sa nagkasari-sari nga lugar sa rehiyon.

Suno man kay Regional Director Police Brigadier General Rolando Miranda, target nanda do 100% sa kabilugan nga personnel do mabakunahan apang do 8% hay ginpaiway bangud nga do mga raya hay may nagkasari-sari nga medical condition.

Tinutuyo sigon it nasabing tikang suno pa kay Miranda nga masiguro nga do tanan nga personnel nga naka-deploy sa bilang mga frontliners hay makapagserbisyo it mayad sa komunidad sa nagapadayon nga COVID-19 pandemic.

Samtang, as of September 3, 2021 do PRO 6 hay nakalista it kabilugan nga 1,295 personnel nga nagpositibo sa virus, 1,225 do fully recovered, ap-at do namatay ay may nabiling pang 66 aktibong kaso. // SHERRY ANNE REUNIR-VIDAL

BNFM Kalibo