KALIBO, AKLAN—Ginpasugtan eon it Commission on Elections (COMELEC) do uman nga pagbukas it voter’s registration sa mga lugar nga una sa idaeom it modified enhanced community quarantine (MECQ) kapehas sa probinsya it Aklan.
Ginpahayag ni Mr. Chrispin Raymund Gerardo, spokesperson ng COMELEC Aklan sa Brigada News FM Kalibo nga bukas do tanan nga opisina it commission sa mga residente nga gustong mag-eagas nga magparehistro para sa 2022 National ag Local Elections Lunes hasta it Sabado ag bisan holiday alas-8 it agahon hasta it alas-5 it hapon umpisa sa Setyembre 6, 2021.
Samtang, nagpadumdom man si Gerardo sa mga magaparehistro nga magsunod gihapon sa minimum public health standard, magdaea it valid identification card ag sariling ballpen.
Nasayuran nga sa Setyembre 30, 2021 magatakop do voter’s registration sa pungsod. // SHERRY ANNE REUNIR-VIDAL
