‘DRUG FREE’ na ang 968 ka barangay gikan sa kinatibuk-ang 1,158, base sa datus sa Philippine Drug Enforcement Agency (PDEA) 12.
Matud ni Kath Abad, tigpamaba sa PDEA-12 bag-o ideklara nga luwas ang barangay gikan sa illegal drug activities sutaon sa miyembro sa sa Inter-Agency Committee on Anti-Illegal Drugs (ICAD) ang ‘absence’ sa clandestine drug laboratory ug chemical warehouse, marijuana cultivation site, drug den, drug pushers ug users sa lugar.
Kasamtangan, 60 ka barangay ang nag-apply aron magpabilin ang ilang status nga ‘drug free’. Pipila sa mi-apply ang Kalamansig sa Sultan Kudarat ug Malungon,
Maitum lakip sa Glan sa probinsiya sa Sarangani. Dunay tulo ka barangay ang bag-ohay lang gideklarang drug cleared gikan sa affected barangay samtang duna usab tulo ang naa sa probationary status.
Giangkon ni Abad nahimong ‘crucial’ sa kalampusan sa kampanya ang mga gimugnang Barangay Drug Abuse Councils (BADACs). Nakalabay’ng tuig, nakumpiska og P19 milyon kantidad sa gidiling droga ang Pdea-12 gikan sa mga operasyon asa nasikop ang gatusan ka mga indibidwal. ( Richel Gubalani)
