FULLY vaccinated na batok Covid-19 ang 3,217 personahe sa Police Regional Office (PRO) 12 gikan sa kinatibuk-ang 7,944 ka sakop.
Samtang naa sa 4,004 ang nakadawat na sa unang dose sa bakuna, sa kinatibuk-an misaka na sa 90.9% ang bakunadong pulis sa rehiyon. Matud ni PLt.Col. Maria Joyce Birrey, tigpamaba sa PRO-12 padayon ang pagbakuna karon sa ubang sakop sa Regional Health Service.
Ang mga pulis usab nga gidestino sa mga border checkpoint ang gisiguro nila nga ‘fully vaccinated’ na. Sa ulahing datus, naa sa 813 ang kaso sa Covid-19 ang natala nakalabay’ng bulan asa 58 ang aktibo.
Narekord ang unom ka Covid-19 related death, pito ang naospital, 51 ang naka-quarantine samtang 752 ang nakarekober gikan sa sakit.
Subling nagpahimangno si Birrey sa mga kaubang pulis nga siguradoong masunod ang tanang mga health protocols batok virus. ( Richel Gubalani)
