SUBLING mikanaog ang turnout sa enrollees sa pribadong tulunghaan tandi sa pampublikong tulunghaan dungan sa pag-igo sa COVID-19 pandemic.
Base sa ulahing datus sa Department of Education (DepEd) sa GenSan nakatala og 97,923 o 68.8% turnout ang public school samtang naa sa 4,999 o 27.6% ang nagpa-enrol public schools (as of Sept 03).
Matud ni Romelito Flores, Schools Division Superintendent, wala na nila gikakurat ang datus tungod sa pag-igo sa pandemya.
Dako ang epekto niini sa ekonomiya nga rason sa pagkawala na sa kapasidad sa ubay-ubay nga ginikanan sa pagpatungha sa private schools.
Sa kinatibuk-an, nakatala na og 102,922 kinatibuk-ang enrollees and DepEd sa siyudad taas kini og 59.66% tandi sa rekord nakalabay’ng tuig.
Nag-una sa modalities nga buot sa mga magtutungha ang modular print, gisundan sa radio tv modular, online, radio, modular digital ug TV.
Samtang giklaro ni Flores nga mosunod sila sa desisyon sa mga opisyal kalabut sa giduso nga pagbalik sa face to face classes. ( Richel Gubalani)
