Haum eon ru 8ft burial ground it Malinao Municipal Cemetery sa Brgy.Biga-a, Malinao, Aklan para sa mga namatay sa COVID-19.
Suno kay Brgy. Kagawad Nilfa Malsin it Biga-a Barangay Council, may pilang ka mga konsehal ru mismong nagkotkot para ma sigurado nga safe sa mga residente ru gina eobong nga bangkay.
Nasayuran nga may una eon nga sangka bangkay ru gin eobong sa nasambit nga burial ground kahapon.
Raya ru sabat it LGU-Malinao sa hinyo ni Aklan Governor Florencio Miraflores sa tanan nga mga municipal mayors nga mag pahaum it burial ground para direktang i-eobong ru namatay dahil sa COVID-19.
Raya hay matapos mag imporma ru partner crematorium nga Geganto-Abecia Funeral Homes and Crematory sa syudad it Iloilo nga temporaryo anay nga gin suspende ru operasyon matapos nga abo pang mga Aklanon nga patay ag naka pila sa nasambit nga crematorium.//MARIVIC Y. ILIN
