Nakuha ng tatlong bayan sa Zambales ang Ideal level of functionality pagdating sa pagganap ng tungkulin para labanan ang iligal na droga para sa taong 2020.
Ito ay base sa ginanap na Provincial ADAC functionality Audit kahapon sa pamamagitan ng virtual sa pangunguna ng Department of Interior and Local Government.
Sa resulta, ang San Marcelino, Candelaria at Subic ang nakakuha ng mataas na level o ideal level of functionality.
Siyam na bayan naman ang pasok sa moderate level habang isa naman ang kabilang sa basic level.
Layunin ng ADAC Performance Audit na suriin ang pagiging epektibo ng mga lokal na ADAC base na rin sa mga umiiral na kasalukuyang patakaran at batas, matukoy ang mga naitaguyod na mga pagbabago ng ADAC at lumikha ng plataporma para sa pagsusuri at pagbahagi ng mga pinakamahusay na kasanayan ng mga ADAC at miyembrong ahensya nito sa kani-kanilang antas.//Jen Bayot-BNFM OLONGAPO
