KALIBO, AKLAN—Amat-amat eon nga naganaba do positivity rate it COVID-19 sa probinsya it Aklan.
Sa pinakaulihing datos nga ginpaguwa it Aklan Provincial Epidemiology and Surveillance Unit (PESU), 165 do nailistang nag-positibo ag 181 man kara do nag-negatibo maghalin sa 346 nga ginpaidaeom sa swab testing.
Do nasambit nga numero hay katumbas it 52.31% nga positivity rate ag mas manaba kun ikumpara ku nagtaliwan nga adlaw it Biyernes nga nagaabot sa 58%.
Samtang, sandig man sa datos it Aklan PESU, 165 do dumugang sa panibag-ong kaso rasun para sumaka sa 9,425 do total confirmed cases it deadly virus sa probinsya. // SHERRY ANNE REUNIR-VIDAL
