Mitala karon ang Northern Mindanao sa highest daily case count sa bag-ong kaso sa COVID-19.
Basi sa data sa Department of Health Regional Office 10, muabot sa 815 ang bag-ong kaso sa rehiyon.Sa bag-ong kaso, 809 ang local cases, diin 327 niini gikan sa Bukidnon, 50 Camiguin, 2 Lanao del Norte, 4 Misamis Occidental, 150 Misamis Oriental, 255 Cagayan de Oro City, 21 Iligan City.
Samtang 6 ang returning Filipinos diin 4 sa Bukidnon ug 2 sa Misamis Oriental.
Sa reported nga kaso, 4 ang kompirmadong nakabsan sa kinabuhe nga polus gikan sa Bukidnon.
Hinuon dunay 234 ka pasyente ang bag-ong nakarekober diin 84 Bukidnon, 15 Camiguin, 8 Lanao del Norte, 6 Misamis Occidental, 43 Misamis Oriental, 77 Cagayan de Oro City, ug 1 Iligan City.
Sa karon muabot na sa 44,061 ang total COVID-19 cases sa rehiyon, 34,711 ang total recoveries, 7,948 ang aktibong kaso, ug 1,402 ang deaths.
Kahibaloan nga una nang gi-ingon ni DOH-10 Regional Director Dr. Jose Llacuna Jr., nga sa tibuok kaso sa rehiyon, 94% ang local transmission.
