MISAKA na sa 800 ka bata sa Sarangani edad 5- 11 anyos ang nakadawat na sa unang dose sa bakuna batok Covid-19.
Dungan sa pagsugod sa kids vaccination drive atong Pebrero 14 ning kasamtangang tuig.
Matud ni Maria Razel Bustria, provincial immunization coordinator sa Sarangani gikalipay nila ang positibo nga tubag sa mga ginikinan sa panawagan nilang pabakunahan na ang mga anak batok sa virus. Dugang niini, mismo ang mga bata na ang buot magpabakuna aron nga mabalik na sa tulunghaan.
Gibantayan usab nila karon ang posibleng adverse effect o side effect sa pagbakuna sa mga bata.
Giawhag niini ang mga ginikanan nga kung dunay gibati ang anak human giturokan gilayon painum kini og tambal. Kahibaloan nga party-theme ang nahimong paandar sa probinsiya aron makaawhag sa mga bata nga magpabakuna.
Nasayran nga naa sa 91,000 bata sa age group ang punting nilang bakunahan walay labot niini ang out of school youth ug day care. I Richel Gubalani
