GIBUTYAG sa opisyal sa Comelec region 12 nga may nagkadaiya na nga schedule ang matag opisina sa Comelec may kalabotan sa ginapahigayon nga candidates briefing bag-o ang May 9, 2022 elections.
Sa pahayag ni Assistant Regional Director Atty. Jose Villanueva aduna nay nagkadaiyang schedule ang matag opisina sa Comelec kalabot sa Candidates Briefing nga gikinahanglan nga ilang himuon ayha pa moabot ang kampanya alang sa mga lokal nga kandidato.
Ang mga agenda sa briefing mao ang may kalabotan sa pandemya ug sa mga protocol nga angay sundon sa mga kandidato ug sa ilang mga taga suporta aron malikayan ang pagkatag sa COVID-19.
Ang ikaduha nga mahinungdanon nga agenda mao ang Fair Election Act ,aron nga mapahibalo sa mga kandidato ang patas nga kampanya. Sa Gensan, gikumperma na ni City Comelec Officer Atty. Sharmaine Papandayan Garangan nga sa Marso1 ang Candidates Briefing, lakip na ang VCM Road show ug Voters education. I Ver Diazon
