Patay ang isang 76-anyos na lolo matapos itong malunod sa isang ilog sa bayan ng Pagbilao, Quezon nitong Biyernes.
Ayon sa police report, bandang alas-5:30 ng hapon umano nang magtungo ang biktima sa malapit na ilog upang maghugas ng paa na nakagawian na nitong gawin.
Dakong alas-6:55 ng gabi, doon na ito natagpuan ng kanyang anak habang palutang-lutang at wala ng buhay.
Samantala, isinugod pa sa hospital ang biktima subalit idineklara rin itong dead on arrival.
Pinaniniwalaang nadulas ang biktima at tumama ang ulo nito sa mabatong bahagi ng ilog at nalunod.
