FULLY vaccinated na ang 72,533 katao sa Soccsksargen region nga nalakip sa priority group dungan sa padayong vaccination rollout.
Sa rekord sa Department of Health (DOH) 12 misaka na sa kinatibuk-ang 236,143 ang nakabakunahan . Naa na sa 163,611 katao gikan sa priority group A1 hangtud A4 ang nakadawat sa ilang unang shot sa bakuna batok Covid-19.
Matud ni Arjohn Gangoso, education and promotional officer sa DOH-12 Center of Health Development gipaspasan nila karon ang pagbakuna. Dungan usab sa sunod-sunod na nga pag-abot sa bakuna ang gihimong vaccination rollout aron makab-ot sa ang ‘herd immunity’ o population protect sa target nga petsa nga mao ang katapusan ning tuiga.
Nanawagan si Gangoso ngadto sa dunay kabanay nga senior citizens ug adult with comorbidities nga awhagon silang magbakuna. ( Richel Gubalani)
