NAKAHILAK sa kalipay si Nanay Natividad Sabandal, 72-anyos nga nahatagan og wheelchair aron siya makasimba na.
Na-mild stroke si Nanay Natividad ug tulo ka bulan na nga ginaatiman sa iyang paglakaw lakaw apan maglisod ang mga anak niini nga pulos mga babaye tungod sa kabug-at niini.
Mao nga nangayo og tabang si Nanay Natividad og wheelchair aron ilang magamit nga makagawas ug mainitan sa adlaw ug makasimba.
Mismo si Idol Brigada Elmer V. Catulpos ang mihatod sa wheelchair kay Nanay Natividad sa ilang panimalay sa Prk.10, Lanton, Apopong.
Dinang gipalingkod na kini, mitulo na ang luha ni Nanay Natividad dungan sa pagpasalamat nga may magamit na siya nga makaadto og simbahan.
Ang wheelchair ang gikan sa “singko singko” nga donasyon sa mga miyembro sa KaBrigadahan Gensan nga gibansagan nga bayani ni Idol Brigada Elmer ug hugot usab niining gipasalamatan.
