KUTOB na lang sa katapusan ning bulana ang “Libreng Sakay” ug service contracting program sa public utility vehicles (PUVs). Matud ni Robert Cang, president sa Public Transport Alliance of GenSan (PTAG) ang kawad-on og budget ang rason sa pag-undang sa programa.
Sa plano nga hangtud sa Desyembre 31 ang programa nga makahatag og benepisyo sa tulo ka milyong pasahero tunga sa pandemya. Una nang, giangkon sa Department of Transportation (DOTr) dunay sila ng proposed budget nga P150.76-bilyon alang sa 2022.
Apan wala sumala pa naapil sa pondohan nila ang programa nga nakatabang sa sumasakay ug mga PUV drivers atol sa pandemya. Butyag ni DOTr Undersecretary for finance Giovanni Lopez mihangyo og P10 bilyon nga pondo ang ahensiya aron mapadayon ang programa, apan kini ang gibasura sa Department of Budget and Management (DBM).
Ang programa ang gihatagan og P5.5 bilyon ilawom sa Bayanihan 2 law ug gisugdan ang implementasyon atong Hunyo 30, 2021. Samtang temporaryo kining gisuspenso atong Hulyo 1 human nag-expire ang appropriations provisions sa balaud.
Apan subli kining gilusad atong Setyembre 10 human nakadawat og P3 bilyon nga pondo gikan sa 2021 General Appropriations Act. Sa GenSan, naa sa 22 ka PUVs ang naapil sa second phase sa programa. ( Richel Gubalani)
