Presente nga sa kritikal nga kondisyon ro 61-anyos nga tricycle driver matapos raya nga mabunggo ag maguyod it sambilog ka multicab sa Barangay Sibaguan, Roxas City, Capiz.
Ginkilaea ro biktima nga si Benjamin Handoy, residente it Sitio Aglipay, Barangay VI it nasambitan nga lugar.
Base sa imbestigasyon it Roxas City Police Station, nagatindog eamang ro biktima sa likod it anang tricycle kat bigla raya nga mabunggo it paabot nga multicab.
Nagtama ro ueo it biktima sa windshield ag naguyod pa raya it nasambitan nga saeakyan rason nga nag-angkon si Handoy it mga nina sa maeain-eain nga parte it eawas
Sa presente, sa kustodiya eun ro driver it multicab nga ginkilaea nga si Jonnijon Valbarez, 23-anyos residente it Barangay Poblacion Norte./JIL B. LACSON
