Arestado ro an-um nga wanted person it Malay PNP operatives sa magkaseparar nga manhunt operation sa pagpamuno ni PLT CONRADO S ESPINO JR., Chief Intel.
Unang naaresto ku July 14 sa Brgy. Manocmanoc sa isla it Boracay ro wanted sa kasong Qualified Theft nga may piyansang P40,000.
Daywa man ro naaresto it July 11, sa Brgy. Poblacion, Malay, Aklan, nga akusado sa pag eabag sa PD 705 ag may piyansa nga P36,000 kada isaea kanda.
Ku July 7, arestado man sa Brgy. Manocmanoc, Malay, Aklan ro akusado para sa kaso kara nga pag eabag sa RA 9262 nga may piyansang P72,000.
Sangka akusado man nga samtang naga-proseso it anang police clearance sa Malay MPS ku July 5, ro naaresto bangud sa anang warrant of arrest sa kasong Qualified Trespass to Dwelling nga may piyansang P2,000.
Sangka foreign national man ro naaresto ku July 1 sa Brgy. Balabag, Malay, Aklan para sa kaso kara nga pag eabag sa National Revenue Code nga may piyansang P12,000.
Ro nasambit nga mga wanted persons hay gin-turn over eon sa korteng natungdan. / ANN DESLENE SALAZAR
