Padayun nga naka confine sa Aklan Provincial Hospital ro mag asawa nga imbolbado sa natabo nga aksidente kabii sa may Brgy. Bulwang, Numancia, Aklan.
Ginkilaea ro mag asawa nga sanday Ermito Tabigue 69yo ag Loveline Tabigue 72yo ag parehung taga Brgy. Cajilo, Makato, Aklan.
Samtang ro driver it SUV hay ginkilaea nga si Rainer Sualog 42yo it Villa Peraz Subdivision Brgy. New Buswang, Kalibo, Aklan.
Sa imbestigasyun, gulping nautod ro chassis it motorsiklo it tricycle ag nabuoe pati ro steering bar kara rasun agud madueaan it kontrol si Ermito Tabigue ag bumangga sa kasubeang nga SUV.
Bangud sa aksidente hay inapok sa karsada ro mag asawa nga insigida man nga nadaea sa ospital.
Sa interview it Brigada News FM Kalibo sa Numancia PNP, temporaryo anay nga naka kustodiya kanda ro SUV ag ro tricycle para sa nagakaigu nga disposisyon. / ANN DESLENE SALAZAR
