Pormal nga ginturn-over sa Banga MPS ro 6 nga unit it Breath Alcohol Tester.
Base sa pahayag ni Police Captain Benny Jones M Mendoza, Officer In-Charge it Banga MPS, ro nag donar it Breath Alcohol Tester hay si Banga SB Member Rubin Seraspi.
Sa makarun hay sa LTO office pa ro nasambit nga mga unit para sa calibration.
Mabahoe nga bulig segun raya sa andang mga kapulisan para magamit nanda sa implementasyun it Municipal Traffic Code ag para madaling masayran kung ro motorista hay sa idaeum it impluwensya it aeak samtang nagamanehu.
Suno kay PCapt Mendoza, kaabuan sa imbolbadong motorista sa aksidente hay nakainom it aeak.
Samtang, ginhayag it nasambit nga hepe nga ro banwa it Banga, hay kaeakip sa mga aspirants nga maging awardee it Seal of Good Local Governance (SGLG).
Kaangot sa owa pa it estasyon it pulis ro Banga, ginpahayag ni Capt Mendoza nga gina proseso eon ro procurement it eugta, ag matapos kara hay igatao eon ro deed of donation it LGU Banga. // ANN DESLENE SALAZAR