Nasa ilalim ng Tropical Cyclone Wind Signal (TCWS) No. 2 ang anim na mga lugar sa Luzon dahil sa Tropical Storm Maring.
Ito ay kinabibilangan ng Batanes; Cagayan kabilang na ang Babuyan Islands; Northern portion ng Isabela (Santa Maria, Quezon, Cabagan, Delfin Albano, Santo Tomas, Tumauini, Maconacon, San Pablo, Divilacan, Palanan, Ilagan City); Apayao; Northern portion ng Kalinga (Balbalan, Pinukpuk, Rizal, City of Tabuk); Northeastern portion ng Ilocos Norte (Pagudpud, Adams, Dumalneg, Bangui, Vintar, Carasi).
Ayon sa Pagasa, bumagal naman ang bagyo at kasalukuyang kumikilos pa-west northwestward sa bilis na 20 kilometers per hour (kph), dala ang lakas na hangin na 85 kph malapit sa gitna at pagbugsong umaabot sa 105 kph.
Samantala, Signal number 1 naman ang ibang bahagi ng Ilocos Norte; Ilocos Sur; La Union; Pangasinan; Abra; ibang bahagi ng Kalinga; Mountain Province; Ifugao; Benguet; ibang bahagi ng Isabela; Quirino; Nueva Vizcaya; northern at central portion ng Aurora (Dilasag, Dinalungan, Casiguran, Dipaculao, Maria Aurora, Baler); northern portion ng Nueva Ecija (Carranglan, Lupao, Pantabangan, San Jose City) at Catanduanes para sa Luzon areas.
Sa Visayas naman, signal number 1 ang Eastern Samar; eastern portion ng Northern Samar (San Roque, Pambujan, Las Navas, Catubig, Laoang, Mapanas, Lapinig, Gamay, Palapag, Mondragon, Silvino Lobos); at eastern portion ng Samar (Matuguinao, San Jose de Buan, Hinabangan, Paranas). //MHEL PACIA-TRINIDAD
