NANUMPA sa ilang katungdanan ang unom ka bag-ong napili nga Barangay Indigenous People Mandatory Representatives (IPMR) sa atubangan ni City Mayor Lorelie Pacquiao, adlaw nga Miyerkules Enero 4. Gihimo kini sa City Mayor’s Conference room asa mitambong silang City Councilor Richard Atendido ug Konsehal Lucio Kawayan.
Ang na-elect nga bag-ong IPMR sa Barangay Bawing mao si Bai Margie Pardillo, Fulung Paquito Bansil sa Batomelong, si Fulung Jesser Lino sa Tinagacan, samtang napili usab silang Fulung Ruben Santiago nga Indigenous Representative sa Upper Labay, Fulung Danny Dave Tayan sa Barangay Apopong ug si Bai Daisy Bacaron ang bag-ong IPMR sa Barangay Conel.
Segun ni Kapitan Palma sa Conel nga usa sa mitambong atol sa pagpanumpa gilauman niini nga mabuhat sa maong mga opisyal ang ilang responsibilidad alang sa katawhan ilabi na ang mahimong tingog sa tribu nga sakop sa ilang lugar. I Enamie Mogpon
Photo by LGU GenSan
