Kapin 55 ka mga acquired assets sa probinsya nga ginapanag-iyahan sang PAG-IBIG Fund ang mahimo ma-avail sang mga Capisnon.
Ini ang ginpahayag ni Mr. Wilmer Lirazan, Department Manager III sang PAG-IBIG Bacolod Housing Business Center sang ma-interview sang Brigada News FM.
Suno kay Lirazan, 36 sa mga property nga ini ang duta ukon bakante nga lote kag 19 ang house and lot nga ma-avail sang mga miyembro kag pumuluyo pinaagi sa loan.
Ang mga propeidad nga ini ang mga na-foreclose na ukon mga balay kag real estate sang mga delinquent nga mga Pag-IBIG borrowers nga na-default na ang loan.
Dugang pa sini, nga tatlo lamang ka requirements ang kinahanglan nga i-comply kaangay sang bid offer form kun sa diin nakasulat ang luyag mo nga property, photocopy sang valid ID kag photocopy sang latest pay slip nga nakasulod sa isa ka envelop kag ihulog sa pinakamalapit nga Pag-Ibig branch sa lugar.| KMD Gicalde
