Naniniwala ang National Capital Region Police Office na walang kasabwat na pulis si dating Bureau of Corrections chief Gerald Bantag para maiwasan ang pagkakaaresto nito.
Mababatid na ang NCRPO ang nangunguna sa paghahanap sa dating BuCor chief.
Ayon kay NCRPO Director Maj. Gen. Edgar Alan Okubo, tiwala siyang walang nagbibigay ng tip kay Bantag mula sa kanilang hanay kaugnay sa manhunt na ikinasa para sa pagkakahuli niya.
Maaalalang naglabas ng pabuya ang NBI at DOJ sa sinumang makapagbibigay ng impormasyon sa kinaroroonan ni Bantag at deputy nitong si Racardo Zulueta.
Ayon kay Gen. Okubo, may reward man o wala, hindi aniya sila tumitigil sa paghahanap kay Bantag. //CA, edited MHEL PACIA
