Pormal nga ginhiwat ang launching, blessing kag turn-over ceremony sang Post Harvest Facility kag Chololate Factory nga nahamtang sa Brgy. Cogon, Panitan, Capiz.
Ginpangunahan ni Capiz Governor Fredenil Castro ang mga nasambit nga seremonya kaupod ang mga miyembro sang Capiz Cacao Industry Association kag local cacao farmers.
Ginpasiguro sang Gobernador nga buligan kag suportahan sang gobyerno probinsyal ang nasambitan nga asosasyon agud ilabi pa nga mapasanyog ang produksyon sang tsokolate diri sa Capiz kag maka bulig man sa mga cacao farmers para agud ang banwa sang Panitan mangin Chocolate Capital sang probinsya.
Nagpaabot naman sang pagpasalamat si Association President Dr. Rose Marie N. Conlu kay Gov. Castro sa bulig sini nga mapa-ubra ang ila Post Harvest Facility nga ginalakipan sang Fermentation area, Drying Area kag warehouse. Daku ang bulig sang nasambit nga mga pasilidad para maangkon ang dekalidad nga produksyon sang tsokolate sa Capiz.
Nagtambong sa nasambit nga aktibidad sanday Mayor Kit Belo, Board Member Celio Fecundo, Provincial Agriculturist Sylvia Dela Cruz, Provincial Engineer Nelva Adricula, Deputy Provincial Administrator Ricky Martin, Executive Assistant Rio Garcia, Brgy. Kapitanes, komitiba kag miyembro sang CCIA, DTI Capiz Provincial Director Ken Queeenie Cunada kag iban pa. | KMD Gicalde
