GISIGURO sa General Santos City Police Office (GSCPO) ang paghatag og seguridad sa Soccsksargen Regional Athletic Association (SRAA) 2024. Ang usa sa labing dako nga athletics ang himoon sa Mayo sa GenSan. Matud ni Police Col. Nicomedes Olaivar Jr., city director sa GSCPO 500 ka pulis ang ipakatag niini sa mga lugar asa himoon ang sports activity. Posibleng mohangyo og dugang pwersa ang GSCPO sa regional office aron makadugang sa paghatag og seguridad sa mga delegado.
Gawas kini sa ibutang nga mga force multiplier nga motabang kanila sa pagbantay sa seguridad.
Gilaoman ang pagdagsa sa gatusan ka mga magdudula, coach ug ubang delegado sa pagpahigayon sa SRAA 2024 asa host ang GenSan. Kahibaloan nga nakuha sa siyudad ang kampeonato sa SRAA atong nakalabay’ng tuig. Richel Gubalani