PAKUSGAN sa kapulisan ang kampanya batok drag racing, opisyal sa mga purok patabangon aron maresolba ang problema.
Matud ni Police Major Oliver Pauya, hepe sa Traffic Enforcement Unit (TEU) kinahanglan nila ang tabang mga opisyal sa purok.
Gumikan sila ang unang masayod sa mga nahitabo sa ilang purok ug angayang gilayon kini nga mataho sa kapulisan.
Nagtuo si Pauya nga daghan ang gaapel sa ‘waswas’ o drag racing tungod sa dakong kantidad sa salapi nga taya.
Gikumpirma usab sa opisyal nga lambigit sa drag racing ang batan-on nga namatay sa bangga sa Barangay Fatima.
Ang maong batan-on ang ikaduha nang indibidwal nga namatay sa GenSan human miapel sa drag racing.
Una nang, gireklamo sa pipila ka residente sa mga barangay sa GenSan ang pagpahigayon og ‘waswas’ tungod sa kasaba ug kadelikado sa maong aktibidad. Richel Gubalani
