Si Mayor Jonas Cortes, nipirma na og memorandum of understanding tali sa usa ka pribadong kompanya aron sa pag-installar sa free public wifi.
Ang libreng wifi ibutang sa 500 ka sites sa pampublikong lugar sa mga kabarangayan.
Matud ni Mayor Jonas Cortes nga kini gawas pa sa Korean Company nga nitanyag usab gg free wifi sa siyudad.
Sa maong memorandum of understanding sa Korean Company, mo-installar kini ngadto sa City Hall ug uban pang City operated buildings sama Sports Complex, Public Market, Mandaue City College, City Hospital, City Plaza ug uban pa.
Timaan sa kalambuan sa Mandaue City, gikatakda usab ang paglusad sa Move Mandaue App.
Ang Move Mandaue App maoy magsilbing connection sa mga mandauehaon sa sayun nga access sa mga serbisyo.
Adunay mga link sa mga buhatan sa gobyerno aron dali makaconnect sa mga panginahanglan ug makahibaw sa announcements alang sa serbisyong itanyag. | Mary Rose Sagarino