Mahimo na magamit sang mga pumuluyo sa Capiz ang makinarya nga sarang maka-detektar sang balatian sa bato nga yara nahamtang sa apat ka ospital sa probinsya.
Suno kay Governor Fredenil Castro, tuyo sini nga makalab-ot sa 80,000 ka Capisnon ang makatesting ukon ma-screen sa sulod sang isa ka tuig sang Urine Albumin-Creatinine Ratio (UACR) agud maprebentar ang Chronic Kidney Disease (CKD).
Matandaan, pormal nga ginturn-over sa Roxas Memorial Provincial Hospital, Bailan District Hospital, Sen. Gerardo M. Roxas Memorial Hospital, kag Mambusao District Hospital ang nasambit nga mga makinarya sang tinalikdan nga Hunyo 8, 2024.| Ken Mark Gicalde
