BICOL—Umaabot sa 515 ng kabuuang 1,021 hospital beds para sa COVID-19 ang okupado ngayon sa Bicol region.
Katumbas ito ng 50% utilization rate base sa pinakahuling Health care utilization report ng Department of Health (DOH) Bicol.
47% ng isolation beds ang okupado, 49% naman sa COVID ward, 56% ang ginagamit sa mga mechanical ventilators habang nasa high risk ang utilization rate sa mga ICU beds dahil 80% nito ang okupado.
Sa Bicol Medical Center sa Naga City, 70% o 98 sa 140 Covid beds ang ginagamit; 81% sa isolation beds; 42% sa COVID ward; 72% sa mechanical ventilators habang nasa critical level naman ang ICU beds na may 88% utilization rate.
Sa Bicol sanitarium, 25 beds sa kabuuang 64 dedicated beds ang ginagamit o nasa 39%; 8% naman sa isolation beds; 25% sa mechanical ventilators; moderate risk sa ICU beds na may 67% habang nasa high risk ang COVID ward dahil sa 83% utilization rate.
Sa Bicol Regional Training and Teaching Hospital (BRTTH), 74% ang ginagamit ngayon sa mga COVID-19 dedicated beds o 69 sa 93. Nasa critical risk ang mechanical ventilators usage na nasa 89%; 84% sa ICU beds; 77% sa COVID ward at 56% sa isolation beds.
Sa iba pang mga health facilities sa rehiyon, nasa 65 beds ang okupado sa kabuuang 156 dedicated beds sa Albay o katumbas ng 42% utilization rate. 42% naman sa Camarines Sur o katumbas ng 26 sa kabuuang 62 dedicated beds. 36% sa Catanduanes o 22 beds sa kabuuang 61; 52% sa Masbate o 22 sa kabuuang 42 beds; 53% sa Sorsogon o 95 beds sa kabuuang 180 habang 37% sa Naga City o nasa 34 sa kabuuang 93 dedicated COVID-19 beds.#
