Kapin kun kulang lima ka kilo sa marijuana nga may Dangerous Drug Board (DDB) value moabot sa Php370,000.00 ang nasabat sa gilusad nga buy-bust operation sa otoridad sa national highway sa Brgy. Dahican, Mati City, Davao Oriental, Oktubre 19, 2021.
Arestado sa operasyon ang suspek nga usa ka Regional priority target 9 ug High Value Individual nga si Royroy Binawi Malintad, 25 anyos nga residente sa Nagas, Tomoang, Tarragona, Davao Oriental.
Gawas sa dakong kantidad sa mariwana narekober usab ang budol money balor P12,000.00, motorsiklo ug cellphone.
Kasong paglapas sa RA 9165 o Comprehensive Dangerous Drug Act of 2002 ang suspek nga gibalhog na sa Mati CPS.
Ang operasyon gilusad sa Mati City Police Station kauban ang PDEA Davao Oriental, RPCEU 11, RID-PIT, RIU-PIT, ug S2 Davao Oriental PPO.BNFM-DAVAO
