Patay ang 5-anyos nga batang lalake human matod pa gihapak og bato ang iyang ulo dayon gilumsan sa iyang kaugalingong half brother nga 14-anyos sa Sitio Lawis, Barangay Suba-Basbas, dakbayan sa Lapu-Lapu pasado alas 9 sa buntag kagahapon, Mayo 10, 2024.
Nasuta sa imbestigasyon sa kapulisan nga nasuko matod pa ang 14-anyos nga batang lalake ngadto sa amahan sa biktima kay pirmi siya kasab-an ug palayason hinungdan nga iyang gipahimungtan iyang igsuon. Ang maong insidente nasaksihan pa sa 7-anyos nila nga igsuon.
Gisusi pa sa kapolisan kon nagbisyo ba ang batan-ong lalake ug gitugyan na usab kini sa DSWD.//
