Gidakop sa mga sakop sa Criminal Investigation Group XI ang lima ka mga indibidwal nga maoy gitudlong mga admin o nagadawat og kwarta gikan sag a investors sa REPA Paluwagan scam sa Ponce St, Brgy 26-C, Davao City alas 3:00 sa hapon kagahapon.
Gikasa ang entrapment operation batok sa mga suspek nga midawat sa cash balor P650,000 alang sa investment sa Money Pyramiding Scheme sa nagpailang investor.
Ang mga naaresto giila nga sila si Khadija Sabani 25 anyos, Jorelyn Damih 43 anyos, Mahimod Damih 46 anyos, Alhaber Damih 19 anyos ug Amer Hadjinur 42 anyos nga pulos taga Barangay 21-C ning syudad.
Kauban sa operasyon ang Anti Scam Unit sa Davao City Government kung diin giandam na ang kaso nga ipasaka batok kanila.
