Kapin kon kulang 4,000 punuan sa marijuana ang gipang-ibot sa hiniusang pwersa sa otoridad sa Sitio Lampagan, Brgy. Kimlawis, Kiblawan, Davao del Sur sa milabayng adlaw.
Sa report gikan sa Kiblawan Municipal Police Station, gibana-banaang mokantidad sa P8,000.00 ang naibot nga mga tanom subay sa Philippine Drug Enforcement Unit.
Giilayong gisunog sa otoridad ang mga marijuana gawas na lamang sa pipila ka punuan nga gibilin aron gamiton isip ebidensya.
Ang operasyon gilusad sa Kiblawan MPS Municipal Drug Enforcement Unit (MDEU), DSPPO PDEU, CIDG, PDEG SOU 11, PDEA XI Davao Del Sur ug 2nd DSPMFC. BNFM-Davao
