LEGAZPI CITY – Tinawan nin pagbisto kan Daraga Municipal Health Office (MHO) an apat na Barangay Nutrition Council (BNC) asin 15 Baragay Nutrition Scholars (BNS).
Sa tahaw ini kan isinagibong Monitoring and Evaluation of Local Level Plan Implementation (MELLPI) awarding kun sain apat na BNC an binisto asin tinawan nin cash prize, kun sain Top 1 an Brgy. Budiao na nakaresibe nin P25,000; Top 2 an Brgy. Bigao na nakakua nin P20, 000; P15,000 man sa Brgy. Bañag na nasa Top 3 asin an mga barangay kan Kidaco asin Namantao na nakaresibe nin P10,000.
Mientrastanto, an 15 Baragay Nutrition Scholars (BNS) na mga awardees, nakaresibe man nin tig-P1,000 na cash prize, mantang an Top 4 nakakua nin puon P2,000 hasta P8,000.
Kasabay kaini, pigheras man kan opisian na an lakdang na ini sarong pag-apresyar sa gabos na personahe kan BNS sa banwaan na nagpapautob nin mga programa na may kinaraman sa nutrisyon.
